நான் பூப்படைந்த நாள் முதலே வயிற்று வலியால் வேதனைப்படுகிறேன். எனக்குத் திருமணமாகி மகன் உள்ளான். ஆனாலும் எத்தனை சிகிச்சை செய்தாலும், அந்த நேரத்துக்கு ஏதோ சரியானதுபோல இருக்கிறது; மீண்டும் தொடருகிறது. இந்த நோயிலிருந்து குணமாக என்ன பரிகாரம்?

சஷ்டி விரதம் இருங்கள். உங்கள் வீட்டிற்கு அருகேயுள்ள அம்மன் கோயிலுக்குச் சென்று உப்பு தானம் செய்யுங்கள். அப்படி இல்லையெனில் திருச்சிக்கு அருகேயுள்ள சமயபுரம் மாரியம்மன் கோயிலுக்கு உங்களால் முடிந்த அளவு உப்பு தருவதாகவும், மாவு இடித்து மாவிளக்குப் போடுவதாகவும் பிரார்த்தனை செய்து கொள்ளுங்கள்.

வெகு சீக்கிரம் சரியாகும். ஆதிசங்கரரின் சுப்ரமணிய புஜங்கம் எனும் சிறிய நூல், ஆன்மிக புத்தகக் கடைகளில் கிடைக்கும். உடல் உபாதை சரியான பிறகு அதைப் படியுங்கள்.