எங்களுக்கு திருமணமாகி இரண்டு குழந்தைகள் உள்ளனர். எப்போது பார்த்தாலும் எங்கள் இருவருக்குள்ளும் சண்டை வந்து கொண்டேயிருக்கிறது. மன உளைச்சல் அதிகமாக உள்ளது. என்ன செய்வது?

கணவன், மனைவிக்குள் சண்டை என்பது சகஜம்தான். ஆனால், எப்பொழுதுமே தகராறு என்றால் இனி, சண்டை போடக் கூடாது என்று நினைப்பவர் சட்டென்று விட்டுக்கொடுத்துவிட வேண்டும்.

சில சண்டைகளின்போதே, சில கோபதாப பேச்சுக்களின்போதே இந்த விஷயத்தை இவர் இப்படித்தான் எடுத்துக் கொள்வார்; இது பூதாகரமாக வளரும் என்று தெரிந்து விடும்.

இல்லையெனில் கடைசியில் ‘என்ன நிம்மதியில்லாத வாழ்க்கை; என்ன பாவம் செஞ்சேன்’ என்று புலம்பிக் கொண்டே இருக்க வேண்டியதுதான். கணவன்-மனைவிக்குள் சண்டையும், சமாதானமும் மாறிமாறி வந்தாலும், குழந்தைகள் இதை கவனிப்பது நல்லதல்ல.

இந்த விஷ சுழற்சியை கணவனும், மனைவியும் நிறுத்தினால் பல சண்டைகள் நின்று விடும். இதையும் தாண்டி உங்களுக்கு தனிப்பட்ட முறையில் குடும்பம் சார்ந்த உறவினர்களோடு பிரச்னைகள் இருந்தால் வெளிப்படையாக பேசி அமைதியாக வாழ்க்கை நடத்துவது நல்லது.

துர்க்கையின் படத்தை வைத்து, கருப்பு உளுந்தைப் பரப்பி அதன் மேல் நல்லெண்ணெய் விளக்கேற்றி வைத்து 12 நாட்கள் கீழே கொடுக்கப்பட்டுள்ள ஸ்லோகத்தை 21 தடவை சொல்லி நமஸ்கரியுங்கள்.

கோப்த்ரீ மாம் ரஷ ரஷ
சந்திர மண்டல மத்யஸ்தாயை
தும் துர்காயை நமோ நமஹ!