அஜீத்துக்கு தைரியம் அதிகம்

ரா.ஒன்’ படத்தின் தமிழ் இசை வெளியீட்டு விழா நேற்று சென்னையில் நடைபெற்றது. ஷாருக்கான், மணிரத்னம், சுஹாசினி மணிரத்னம், சந்தோஷ் சிவன், அபிராமி ராமநாதன், செளந்தர்யா ரஜினிகாந்த் உள்ளிட்டோர் கலந்து கொண்டனர். விழாவில் பேசிய ஷாருக்கான் ” இந்தியாவில் மிகவும் சந்தோஷமான நடிகர் நானாக தான் இருக்க முடியும். கமல் சாருடன் இணைந்து ‘ஹே ராம்’ படத்தில் நடித்து இருக்கிறேன்.

அவருடன் இணைந்து நடனம், சண்டை என அனைத்தையும் ஒரே படத்தில் செய்து விட்டேன். ரஜினி சாருடன் ‘ரா.ஒன்’ படத்தில் நடித்து இருக்கிறேன். அஜீத் சாருடன் ‘அசோகா’ படத்தில் நடித்து இருக்கிறேன். ‘அசோகா’ படத்தில் எனது தம்பியாக, ஒரு கெட்ட பையனாக நடித்து இருந்தார். அது போன்ற வில்லன் கதா பாத்திரத்தில் நடிப்பதற்கு தைரியம் வேண்டும். அந்த தைரியம் அஜீத்திடம் இருக்கிறது.” என்று கூறினார்.