சொத்து ஆவணங்கள் பறிமுதல் நடிகை அனுஷ்கா வீட்டில் நகைகள்,பணம் சிக்கியது; வருமான வரி அதிகாரி தகவல்

அனுஷ்காவின் சொந்த ஊர் கர்நாடகத்தில் உள்ள மங்களூர் ஆகும். யோகா ஆசிரியையாக இரந்த அவர் திடீரென நடிகையானார். அனுஷ்கா நடித்த படங்கள் ஹிட்டானதால் சம்பளத்தை உயர்த்தினார். ரூ.1 கோடி வரை சம்பளம் வாங்குவதாக தெலுங்கு திரையுலகில் செய்தி பரவியது. வருமான கணக்குகளை அனுஷ்கா சரிவர காட்டவில்லை என்றும் சொத்துக்கள் வாங்கி குவிப்பதாகவும் வருமான வரித்துறைக்கு புகார்கள் வந்தன.

இதையடுத்து ஏற்கனவே அனுஷ்கா வீட்டில் வருமான வரி அதிகாரிகள் சோதனை நடத்தினர். நேற்று 2-வது முறையாக சோதனை நடந்தது. வருமான அதிகாரிகள் குழுவாக சென்று ஐதராபாத் பஞ்சாரா ஹில்ஸ் பகுதியில் உள்ள அனுஷ்கா வீட்டை முற்றுகையிட்டனர். ஒவ்வொரு அறையாக சென்று துருவி துருவி சோதனை நடத்தினர். பீரோக்களையும் திறந்து பார்த்தனர். நீண்ட நேரம் இந்த சோதனை நீடித்தது.

பிறகு வீட்டில் கைப்பற்றப்பட்ட ஆவணங்களை மூட்டையாக கட்டி எடுத்துச் சென்றனர். இந்த சோதனையில் அனுஷ்கா வீட்டில் தங்க நகைகள், ரொக்க பணம், சொத்து ஆவணங்கள் கைப்பற்றப்பட்டதாக வருமான வரித்துறை அதிகாரிகள் வட்டாரத்தில் தெரிவிக்கப்பட்டது