ரஜினிக்கு விஸ்வரூபம் ஸ்பெஷல் ஷோ

சென்னை: விஸ்வரூபம் திரைப்படம் பல்வேறு பிரச்சனைகளை சந்தித்து நாளை திரையிடப்பட்ட உள்ள நிலையில், இன்று ரஜினிகாந்த் மற்றும் கமலின் நெருங்கிய நண்பர்களுக்கு நடிகர் கமலஹாசன் விஸ்வரூபம் திரைப்படத்தை திரையிடுகிறார். சென்னை சத்யம் காம்ப்ளக்ஸில் உள்ள 6 டிகிரிஸ் திரையரங்கில் 3டி தொழில்நுட்பத்தில் விஸ்வரூபம் படத்தை கமல் திரையிடுகிறார். விஸ்வரூபம் பிரச்சனையை சந்தித்த போது ர‌ஜினிகாந்த் கமலுக்கு ஆதரவாக அறிக்கை வெளியிட்டதுடன் விஸ்வரூபத்தால் கமலுக்கு நஷ்டம் ஏற்பட்டால் கமலுக்காக ஒரு படம் இலவசமாக நடித்துத் தருவேன் என்று கூறியிருந்தது குறிப்பிடத்தக்கது.