வரதட்சணை திருட்டுச் சொத்து

* ஒரே தெய்வத்தையே இஷ்ட தெய்வமாகக் கொண்டு வழிபடுவது மன ஒருமைப்பாட்டுக்கு உதவும். நல்லவிஷயம் தான் என்றாலும், மற்ற தெய்வ வழிபாடுகளை ஒருபோதும் தாழ்வாக எண்ணுதல் கூடாது. ஒரே தெய்வமே பல வடிவங்களில் இருக்கிறது என்ற தெளிவும் நமக்கு இருக்க வேண்டும்.
* யாருக்கும் தீங்கு செய்யாமல் இருப்பதே முற்பிறவியிலும், இப்பிறவியிலும் துன்பங்களைப் போக்குவதற்கான வழியாகும்.
* தானம் கொடுப்பது மிகவும் நல்ல செயல் தான். ஆனால் நான் ஏழை எளியவர்களுக்கு தானம் அளித்தேன் என்ற எண்ணத்தை தியாகம் செய்துவிடவேண்டியது மிகவும் அவசியம்.
* திருமணங்களில் நடக்கும் ஆடம்பரங்களும், வரதட்சணை வாங்குவதும் நமது சாஸ்திர சம்பிரதாயங்களுக்கு விரோதமானவை தான். வரதட்சணை நாமாகக் கேட்டாலும், பெண் வீட்டாரே கொடுத்தாலும் அது திருட்டுச் சொத்து மாதிரித் தான் என்பதை உணரவேண்டும்.
* சைவ உணவு சாப்பிடுவதால் நமக்கு சாந்தகுணம் உண்டாவதோடு, இன்னொரு உயிருக்கு நம்மால் இம்சை ஏற்படாமல் போகிறது என்பதும் குறிப்பிடத்தக்க அம்சமாகும்.