வரதட்சணை கேட்டு மனைவி சித்ரவதை: இன்னொரு கன்னட நடிகர் மீது புகார்

கன்னட நடிகர் தர்ஷன் வரதட்சணை கேட்டு மனைவியை கொடுமை படுத்தியதாக ஏற்கனவே கைது செய்யப்பட்டார். தற்போது ஜாமீனில் வந்துள்ளார். இது போல் இன்னொரு கன்னட நடிகரான பிரசாந்தும் வரதட்சணை புகாரில் சிக்கியுள்ளார். அவரது மனைவி சசிரேகா மாநில மகளிர் நல ஆணையத்தில் பிரசாந் மீது புகார் மனு அளித்துள்ளார்.

அதில் எனது கணவர் வரதட்சணை கேட்டு என்னை தினமும் சித்ரவதை செய்கிறார். அவர் மீது நடவடிக்கை எடுக்க வேண்டும் என்று குறிப்பிட்டு உள்ளார். பிரசாந்தும் சசிரேகாவும் காதல் திருமணம் செய்து கொண்டவர்கள். பிரசாந்த் ஓரட்டா ஐலவ்யூ, வெங்கி, அஞ்சதிரு உள்ளிட்ட பல படங்களில் நடித்துள்ளார். எதுவும் வெற்றிகரமாக ஓடவில்லை.

தயாரிப்பிலும் இறங்கினராம். இதனால் பணக்கஷ்டம் ஏற்பட்டது. மனைவியிடம் ரூ.10 லட்சம் கேட்டு கொடுமை படுத்தியதாக கூறப்படுகிறது.

இதுபற்றி விசாரணை நடக்கிறது.