பேரீச்சை - அவல் புட்டு

தேவையான பொருட்கள்:

விதை நீக்கிய பேரீச்சம் பழம் - 1 கப்
தேங்காய்த்துருவல் - 1 கப்
அவல் தூள் - 2 கப்
உப்பு - தேவையான அளவு

செய்முறை:

* முதலில் 1/ 2 கப் தண்ணீரில் உப்பைக் கலக்கி, அதில் அவலை ஊற வைக்கவும். ஐந்து நிமிடம் கழிந்த பின் தண்ணீர் இல்லாமல் பிழிந்து தனியாக எடுத்து வைக்கவும்.

* பேரீச்சம் பழத்தை பொடியாக நறுக்கிக்கொள்ளவும்

* நறுக்கிய பேரீச்சம்பழத்துடன் தேங்காய் துருவலை சேர்க்கவும்

* புட்டுக்குழாயில் சிறிது பேரீச்சை கலவை, கொஞ்சம் அவல் என மாற்றி மாற்றி வைக்கவும்

* குழல் நிறைந்தவுடன் வாயைக் கையால் அழுத்தி மூடவும்.

* பின்னர் குழலைக் கவிழ்த்து புட்டை வெளியே எடுக்கவும்.

* இதை வேக வைக்க வேண்டியதில்லை.