காலிப்பிளவர் பாசிப்பருப்பு சூப்

தேவையான பொருட்கள்:

காலிப்பிளவர் - 1
பாசிப்பருப்பு - 100 கிராம்
வெங்காயம் –150கிராம்
தக்காளி – 150 கிராம்
பச்சை மிளகாய் –5
சீரகத்தூள் - 1/2 ஸ்பூன்
சோம்புத்தூள் - 1/2 ஸ்பூன்
மஞ்சத்தூள் - 1/4 ஸ்பூன்
சீரகம் - 1/2 ஸ்பூன்
உப்பு - தேவைக்கு

தாளிக்க:

வரமிளகாய் - 3
பட்டை,இலை,மிளகு – சிறிது
எண்ணெய் – 2 ஸ்பூன்
கறிவேப்பிலை,கொத்தமல்லி - சிறிதளவு

செய்முறை:

* காலிப்பிளவரை பொடியாக நறுக்கி கொள்ளவும்

* ஒரு அகலமான பாத்திரத்தில் பாசிப்பருப்பை போட்டு ஒரு லிட்டர் அளவிற்கு தண்ணீர் ஊற்றி மஞ்சத்தூள், சீரகம், ஒரு ஸ்பூன் எண்ணெய் ஊற்றி அடுப்பில் வைக்கவும்.

* பருப்பு ஒரு கொதி வந்ததும் வெங்காயம், தக்காளி, ப.மிளகாய் இவைகளை போட்டு நன்கு வேக விடவும்.

* பருப்புடன் வெங்காயம், தக்காளி சேர்ந்து நன்கு வெந்ததும் அதில் காலிப்பிளவரைசேர்த்து நன்கு வேக விடவும்.

* காலிப்பிளவர் வெந்ததும் தேவையான உப்பு, சீரகத்தூள், சோம்புத்தூள் போட்டு நன்கு கொதி வந்ததும் அடுப்பில் இருந்து இறக்கி வைக்கவும்.

* வேறு பாத்திரத்தை அடுப்பில் வைத்து எண்ணெய் ஊற்றி பட்டை, இலை, மிளகு, வரமிளகாய், கறிவேப்பிலை போட்டு தாளித்து சூப்பில் கொட்டி ஒரு கொதிவிட்டு இறக்கி கொத்தமல்லி தூவினால் சுவையான காலிப்பிளவர் பாசிப்பருப்பு சூப் தயார்.