ஷாரூக்கானுக்காக முதன்முதலில் பாடினார் எஸ்.பி.பி

இந்தி நடிகர் ஷாரூக்கானுக்காக எஸ்.பி. பாலசுப்ரமணியம் முதன் முதலாக பாடல் பாடியுள்ளார். தமிழ், இந்தி, தெலுங்கு, மலையாளம், கன்னடம் உட்பட பல்வேறு மொழிகளில் நாற்பதாயிரம் பாடல்களுக்கு மேல் பாடியுள்ளார் எஸ்.பி. பாலசுப்ரமணியம். இந்தியில் சல்மான் கானுக்காக அதிகமாக பாடியுள்ளார். இப்போது முதன்முறையாக ஷாரூக் கான் நடிக்கும் ‘சென்னை எக்ஸ்பிரஸ்’ படத்தில் அவருக்காக பாடல் பாடியுள்ளார்.

இதுபற்றி எஸ்.பி.பி கூறும்போது, ‘ஒரு காலத்தில் வாரத்தில் இரண்டு நாட்கள் இந்தி பாடலுக்காக மும்பை வருவேன். பத்து பதினைந்து பாடல்களுக்கு மேல் பாடிவிட்டு கடைசி பிளைட் பிடித்து சென்னை வருவேன். இப்போது ஷாரூக் கானுக்காக முதன் முதலாக பாடல் பாடியுள்ளேன். இது மகிழ்ச்சியாக இருக்கிறது’ என்றார்.