ஆடலாம் பாய்ஸ் சின்னதா டான்ஸ்

யூ டி.வி. மோஷன் பிச்சர்ஸ் சார்பில் ரோனி ஸ்குரூ வாலா, சித்தார்த் ராய்கபூர் தயாரிக்கும் படத்துக்கு ஆடலாம் பாய்ஸ் சின்னதா டான்ஸ் என பெயரிடப்பட்டு உள்ளது.

இதில் நாயகனாக பிரபுதேவா நடிக்கிறார். இவருடன் நடன இயக்குனர் கணேஷ் ஆச்சார்யா, இந்திய நடன போட்டியில் வென்ற சல்மான் கான், தர்மேஷ், பிரின்ஸ், மயூரேஷ், விருஷாலி உலக புகழ் பெற்ற நடன போட்டியில் வென்ற லாரன் கோட்லியப் ஆகியோரும் நடிக்கின்றனர். இப்படத்துக்கு கதை எழுதி, நடனம் அமைத்து ரேமோ டிசோசா இயக்குகிறார்.

இந்தியாவின் சிறந்த நடன கலைஞன் விஷ்ணு. நண்பர்களுடன் மும்பையில் சுவிஸ் டான்ஸ் அகாடமி என்ற பெயரில் நடன பயிற்சி பள்ளி நடத்துகிறான். ஒரு பிரச்சினையில் அப்பள்ளியில் இருந்து அவன் வெளியேற்றப்படுகிறான். இதனால் நடனத்தை கைவிட்டு மும்பையை விட்டு வெளியேற முயற்சிக்கிறான்.

அப்போது ஒரு நடன குழு போட்டியில் பங்கேற்க பயிற்சி எடுக்கிறது. அதை விஷ்ணு தன் கட்டுப்பாட்டில் கொண்டு வந்து பயிற்சி அளித்து இந்தியாவின் மிக சிறந்த நடன குழுவாக எப்படி மாற்றுகிறான் என்பது கதை. விஷ்ணு கேரக்டரில் பிரபுதேவா நடிக்கிறார்.

இந்தியாவின் முதல் 3டி நடன படமாக உருவாகிறது. தமிழ், இந்தியில் தயாரிக்கின்றனர். இசை: சச்சின், ஜிகார், ஒளிப்பதிவு: விஜய்குமார், அரோரா, எடிட்டிங்: மனன் சாகர், திரைக்கதை: துஷார் ஷிரானந்தனி, வசனம்: அமித் ஆர்யன், கூடுதல் வசனம் மற்றும் பாடல்கள்: மயூர்பூரி.