சூர்யாவின் சிங்கம் - 2 படத்தின் மீது புகார்.

கொலிவுட்டில் ஹரி இயக்கத்தில் சூர்யா, அனுஷ்கா, ஹன்சிகா நடித்துக்கொண்டிருக்கும் படம் சிங்கம் 2. இதில் முஸ்லிம்களுக்கு எதிரான காட்சிகள் இருப்பதாக விடுதலை சிறுத்தைகள் கட்சி குற்றம் சாட்டியுள்ளது.

இது குறித்து அக்கட்சியின் செய்தி தொடர்பாளர் வன்னிஅரசு சென்னை தணிக்கை குழு அதிகாரிக்கு அளித்துள்ள புகார் மனுவில், சூர்யா நடிப்பில் வெளிவர இருக்கும் சிங்கம் 2 படத்தில் வில்லன்கள் கடற்கொள்ளையர்களாக சித்தரிக்கப்பட்டு உள்ளனர்.

இப்படத்தில் இஸ்லாமியர்களுக்கு எதிரான காட்சிகள் உள்ளதாகவும், இதனை முன்னரே சுட்டிக் காட்டுவது சமூக பொறுப்புள்ளவர்களின் கடமை என்பதால் தணிக்கை குழு கவனத்துக்கு கொண்டு வருகிறோம்.

இந்த படத்தில் இஸ்லாமியர்களுக்கு எதிரான காட்சிகள் இடம் பெறாமல் தணிக்கை செய்து அனுமதி வழங்க வேண்டும் என்று குறிப்பிட்டுள்ளார்.