குத்தாட்டம் போடும் ப்ரியாமணி

கொலிவுட்டில் வாய்ப்புகளின்றி தவித்து வரும் தேசிய விருது பெற்ற நடிகை ப்ரியாமணி பாலிவுட் படத்தில் குத்தாட்டம் போட உள்ளார்.

பாலிவுட்டின் நட்சத்திர நாயகன் ஷாரூக்கான், தீபிகா படுகோன் நடிக்கும் இந்தி படம் 'சென்னை எக்ஸ்பிரஸ்'.

பிரபல பாலிவுட் இயக்குனர் ரோஹித் ஷெட்டி இயக்கும் இப்படத்தில் குத்தாட்டம் போட நடிகை நயன்தாரவை முதலில் அழைத்தனர். அவர் மறுக்கவே ப்ரியா மணி சம்மதம் தெரிவித்துள்ளார்.

இது குறித்து அவர் கூறுகையில், பெரிய நிறுவனம் தயாரிக்கும், முன்னணி நாயகர்கள் நடிக்கும் படத்தில் நான் குத்தாட்ட அழகியாக ஒரு பாட்டுக்கு ஆட்டம் போட சம்மதிப்பதில் தவறு இருப்பதாக எனக்கு தோன்றவில்லை.

நான் ஷாரூக்கான் படங்களை பார்த்து வளர்ந்தவள் என்றும் சில வருடங்களுக்கு முன்பு சர்வதேச பிலிம் ஃபெஸ்டிவலில் தேசிய விருது பெற்ற நடிகையாக எனக்கு பிடித்த நாயகன் ஷாரூக் உடன் இணைந்து பங்கேற்றதை என்னால் எப்போதும் மறக்க முடியாது எனவும் கூறுகிறார்.

மேலும், ஆந்திராவில் நடந்த உண்மை சம்பவத்தை மையமாக வைத்து எடுக்கப்படும் 'சண்டி' என்ற தெலுங்கு படத்தின் மைய நாயகியாகவும் ப்ரியா மணி நடிக்கிறார் என்பது குறிப்பிடத்தக்கது.