விவேகானந்தர் காட்டிய வழி...

விலைரூ.120
ஆசிரியர் : ஆர்.பி.வி.எஸ்.மணியன்
வெளியீடு: வர்ஷன் பிரசுரம்
பகுதி: கட்டுரைகள்
ISBN எண்:
Rating
★ ★ ★ ★ ★
☆ ☆ ☆ ☆ ☆
பிடித்தவை
பக்கம்: 247
சுவாமி விவேகானந்தரின், 150வது ஜெயந்தியை ஒட்டி வெளிவந்துள்ள புத்தகம் இது. தேசிய பணி மற்றும் இறைபணியில் ஈடுபட்டுள்ள ஆர்.பி.வி.எஸ்.மணியன், சுவாமிஜியின் வாழ்க்கை, சித்தாந்தம், வேதாந்தம், ஆன்மிக நோக்கம் குறித்து, ஒரு வித்தியாசமான பார்வையை இந்நூலில் பதிவு செய்திருக்கிறார். சுவாமிஜியின் சமூகவியலுடன் கூடிய அணுகுமுறையும், மனிதாபிமானத்துடன் கூடிய ஆன்மிக அணுகுமுறையும், பத்தொன்பது, இருபதாம் நூற்றாண்டுகளில் மக்களால் வரவேற்கப்பட்டவை.
அதே சுவாமிஜியின் கருத்தோட்டத்தை, இன்றைய சமுதாயப் பின்னணியில் கருத்தாய்வு செய்கையில், மேலும் பல தகவல்கள் கிடைக்கின்றன. இன்றைய வாழ்க்கை, திசை மாறி பயணிப்பதைப் பார்க்கிறோம். இத்தகைய சூழ்நிலையில், சுவாமிஜியைப் பற்றிய நினைவுகள் நமக்கு எதை உணர்த்துகின்றன என்பதைத் தெரிந்து கொள்ள,இந்த நூல் துணை புரியும். நூலாசிரியரின், 23 கட்டுரைகளில் சுவாமிஜியைப் பற்றிய ஒரு தனித்தன்மை துல்லியமாகத் தெரிகிறது. படித்துப் பார்க்க வேண்டிய புத்தகம். ஆசிரியரின் பணி பாராட்டுக்குரியது.