முருகதாஸ்-விஜய் கூட்டணி! துப்பாக்கி II இல்லை!

விஜய்-முருகதாஸ் கூட்டணியில் வெளிவந்த துப்பாக்கி, வெற்றிகரமாக 100-வது நாளைக்கடந்து 180 கோடி வசூல் செய்துள்ளது. துப்பாக்கி படத்தின் தரத்தில் முருகதாஸின் திறமையையும், விஜய்யின் ஆக்‌ஷன் காட்சிகளையும், படத்தின் மாபெரும் வெற்றியையும் பார்த்து திரையுலகமே பிரம்மித்திருக்கும் நிலையில் தங்களது அடுத்த கூட்டணிக்கு பலமான அஸ்திவாரம் போட்டுவிட்டார்களாம் விஜய்யும் முருகதாஸும்.

சமீபத்தில் ஒரு நாளிதழிடம் பேசிய ஏ.ஆர்.முருகதாஸ் ” சில நாட்களுக்கு முன் நானும் விஜய்யும் மறுபடியும் இணைவது பற்றி பேசினோம். பேச்சுவார்த்தையின் முடிவில் அடுத்த படத்தில் இணைய விஜய் சம்மதம் தெரிவித்துவிட்டார். இத்திரைப்படம் துப்பாக்கி படத்தின் தொடர்ச்சியாக இருக்காது.துப்பாக்கி படத்திலிருந்து முற்றிலும் மாறுபட்ட கதையாக இருக்கும்” என்று கூறியிருக்கிறார்.

விஜய் தற்போது ஒப்பந்தமாகியுள்ள இரண்டு படங்களை முடிப்பதற்குள், அக்‌ஷய்குமார் நடிப்பில் துப்பாக்கி படத்தை இந்தியில் ரீமேக் செய்துவிட வேண்டும் என்ற முடிவில் இருக்கிறாராம் ஏ.ஆர்.முருகதாஸ்.