புலிக்குப் போட்டியாக சிங்கம் 2

சசிகுமார் நடித்திருக்கும் குட்டிப்புலி படத்தின் விநியோக உரிமையை வாங்கிய சன் பிக்சர்ஸ் முதலில் மே 17 படத்தை வெளியிட முடிவு செய்து, ஐபிஎல் காரணமாக ஜுன் 14 ஆம் தேதிக்கு தேதியை மாற்றியது. இதன் காரணமாக ஜுன் 14 வெளியாவதாக இருந்த தீயா வேலை செய்யணும் குமாரு படத்தை மே 31 க்கு வெளியிடுவது என யுடிவி முடிவு செய்தது. லேட்டஸ்ட் தகவல், சூர்யாவின் சிங்கம் 2 படம் ஜுன் 14 வெளியாகிறது. ஜுன் 1 படத்தின் ஆடியோவை வெளியிடுகிறhர்கள்.

என்னதான் சசிகுமாருக்கு வரவேற்பு இருந்தாலும் சூர்யா, ஹரி கூட்டணியுடன் மோதினால் வின்னராக முடியாது, ரன்னர்தான். அது சன் பிக்சர்ஸுக்கும் தொpயும். அதனால் குட்டிப்புலியின் ரிலீஸ் தேதி மீண்டும் மாற்றி அமைக்கப்படலாம். ஐபிஎல் -க்குப் பயந்து சிங்கம் 2 வுடன் மோதுவது சட்டிக்குப் பயந்து அடுப்பில் விழுந்த கதையாகிவிடும்.

சில ஆண்டுகள் முன்பு சிங்கம் படம் வெளியான போது அதன் ஒட்டு மெர்த்த விநியோக உரிமையை வாங்கியவர்கள் சன் பிக்சர்ஸ். அந்த ஒட்டு மொத்த உரிமையில் சிங்கம் என்ற பெயரும் அடக்கம். சிங்கம் 2 படப்பிடிப்பு ஆரம்பித்து படம் முடியும் தருவாயில் சன் பிக்சர்ஸ், சிங்கம் பெயரின் உரிமை எங்களிடம்தான் உள்ளது என கட்டையைப் போட, சிங்கம் 2 படத்தின் தயாரிப்பாளர் சன் பிக்சர்ஸுக்கு லம்பாக பணம் தர வேண்டியதாயிற்று. இந்த உள்குத்து காரணமாகதான் புலியுடன் சிங்கத்தை மோதவிட்டிருக்கிறார்கள் எனவும் கிசுகிசுக்கிறார்கள் கோடம்பாக்கத்தில்.