பருப்பு இடியாப்பம்

தேவையான பொருட்கள்
இடியாப்ப மாவு – 2 கப்
துவரம்பருப்பு – அரை கப்
துருவிய தேங்காய் – ஒரு மேசைக்கரண்டி
கடுகு – ஒரு தேக்கரண்டி
உளுந்து – ஒரு தேக்கரண்டி
மிளகாய்வற்றல் – 4
மஞ்சள்தூள் – கால் தேக்கரண்டி
உப்பு – தேவையான அளவு
எண்ணெய் – ஒரு மேசைக்கரண்டி
கறிவேப்பிலை – சிறிதளவு
செய்முறை
முதலில் இடியாப்பங்கள் தயார் செய்து எடுத்து, அவற்றை உதிர்த்து வைத்துக் கொள்ளவும்.
போதுமான நீரில் துவரம்பருப்பை மஞ்சள்தூள் சேர்த்து வேகவைத்துக் கொள்ளவும்.
ஒரு வாணலியில் எண்ணெய் விட்டுக் காய்ந்ததும் கடுகு, உளுந்து, மிளகாய்வற்றல் சேர்த்து தாளிக்கவும்.
பின்னர் வேக வைத்த பருப்பு, தேங்காய்த்துருவல், உப்பு, கறிவேப்பிலை ஆகியவற்றை சேர்த்து சுமார் கால் மணி நேரம் கொதிக்க விடவும்.
அதன் பின்னர் இந்த கரைசலை உதிர்த்த இடியாப்பத்தின் மேல் ஊற்றி, கிளறி பரிமாறவும்