மசாலா பிரெட் பஜ்ஜி

வழக்கமான வாழைக்காய் பஜ்ஜி, வெங்காய பஜ்ஜிக்கு பதிலாக பிரெட் பஜ்ஜி தயாரித்துப் பாருங்கள். அதிலும் இந்த மசாலா பிரெட் பஜ்ஜி ஒரு வித்தியாசமான சுவையுடன் சூடாக சாப்பிட மிகவும் ருசியாக இருக்கும்.

தேவையானவை

சிலைஸ் பிரெட் – 1 பாக்கெட்
கடலைமாவு – 1 கப்
அரிசி மாவு – 1/4 கப்
தேங்காய் – 1 மூடி
பச்சைமிளகாய் – 3 அல்லது 4
பூண்டு – 2 பல்
இஞ்சி – சிறு துண்டு
பெரிய வெங்காயம் – 1
உப்ப – தேவையான அளவு
ரீபைண்டு எண்ணெய் – தேவையான அளவு

செய்முறை

* பிரெட் துண்டுகளை முக்கோண வடிவில் குறுக்காக வெட்டிக் கொள்ளவும்.

* தேங்காய், பச்சைமிளகாய், பூண்டு, இஞ்சி வெங்காயம் இவைகளை நைஸாக அரைத்துக் கொள்ளவும்.

* கடலை மாவு, அரிசி மாவு, உப்பு, இவைகளுடன் தண்ணீர் சேர்த்து பஜ்ஜி மாவு பதத்தில் கரைத்துக் கொள்ளவும்.

* வாணலியில் ரீபைண்ட் எண்ணெய்விட்டு காய வைக்கவும்.

* அரைத்த மசாலா சிறிது எடுத்து பிரெட் சிலைசின் இரண்டு பக்கங்களிலும் தடவி பஜ்ஜி மாவில் நனைத்து காய்ந்த எண்ணெயில் போட்டு இருபுறமும் திருப்பிவிட்டு எடுக்கவும்.

* தக்காளி சாசுடன் சாப்பிட மிகவும் ருசியாக இருக்கும்.