சமையல் குறிப்பு : தயிர் உருளை

இனி குழந்தைகளுக்கு விடுமுறை காலம் தான். அவர்களுக்கு சற்றே வித்தியாசமான சமையலை செய்து அசத்துங்கள்.

இன்று உருளைக்கிழங்கைக் கொண்டு ஒரு வித்தியாசமான தயிர் உருளை சைடிஷ் செய்வது எப்படி என்று தான் இன்றைய சமையல் குறிப்பில் பார்க்க இருக்கிறோம்.


தேவையான பொருட்கள் :

உருளைக்கிழங்கு - அரைக்கிலோ
பெரிய வெங்காயம் - 2

சற்றே புளித்த தயிர் - அரை கப்
இஞ்சி + பூண்டு விழுது - 2 டீஸ்பூன்

மிளகாய்த்தூள் - அரை டீஸ்பூன்
கரம்மசாலா - அரை டீஸ்பூன்
மஞ்சள்தூள் - கால் டீஸ்பூன்
மிளகுத்தூள் - அரை டீஸ்பூன்

எண்ணெய் - 4 டேபிள்ஸ்பூன்
உப்பு - தேவையான அளவு


செய்முறை :

உருளைக்கிழங்கை வேகவைத்து தோலுரித்துக் கொள்ளுங்கள்.

பெரிய வெங்காயத்தை பொடிப்பொடியாக நறுக்கி எடுத்துக்கொள்ளுங்கள்.

வாணலியில் எண்ணெயை காயவைத்து வெங்காயத்தை சேர்த்து நன்கு பொன்னிறமாக வரும் வரை வதக்குங்கள்.

அதனுடன், மிளகாய்த்தூள் + மஞ்சள்தூள் + மிளகுத்தூள் சேர்த்து வதக்குங்கள்.

பின்னர், உப்பு + உருளைக்கிளங்கு சேர்த்து சிறு தீயில் 10 நிமிடம் நன்கு வதக்குங்கள்.

அதன் பின்னர், தயிர் + கரம்மசாலா சேர்த்துக் சுருளக் கிளறி இறக்குங்கள்.