பெயர் மாற்றியதால் அதிர்ஷ்டம்: ஜோதிடத்தை நம்புகிறேன்- தமன்னா

தமிழ் பட உலகில் முன்னணி நடிகையாக விளங்கியவர் தமன்னா. இந்தியில் இந்தியில் அறிமுகமாகி நடித்த முதல் படமான 'ஹம்மத் வாலா' படம் ரிலீசாகி ஓடிக்கொண்டு இருக்கிறது. 'தாடகா' என்ற தெலுங்கு படம் ஒன்றிலும், தமிழில் சிவா இயக்கும் படத்திலும், இன்னொரு இந்தி படத்துக்கும் ஒப்பந்தமாகியுள்ளார்.
இதுகுறித்து, தமன்னா அளித்த பேட்டி வருமாறு:-

எனக்கு கடவுள் பக்தி அதிகம். படப்பிடிப்புகள் நடக்கும் ஊர்களில் பிரபலமான கோவில்கள் எங்கு உள்ளன என்பது கேட்டு தெரிந்து கொள்வேன். ஓய்வின்போது அந்த கோவில்களுக்கு சென்று சாமி கும்பிட்டு வருவேன். நிறைய பேர் ஓய்வு கிடைத்தால் கோடை வாசஸ்தலங்களுக்கும், வெளிநாடுகளுக்கும் சுற்றுலா போவார்கள். நான் கோவில் தரிசனத்துக்கு போவேன்.

எண் கணித ஜோதிடத்தில் எனக்கு அதிக நம்பிக்கை உண்டு. ஒரு கட்டத்தில் நான் நடித்த பல படங்கள் தோல்வி அடைந்தன. நல்ல காரியங்கள் நடப்பதிலும் தடை ஏற்பட்டது. இதனால் ஒரு எண் கணித ஜோதிடரை அணுகினேன். அவர் எனது பெயரின் கடைசியில் 'எச்' என்ற ஆங்கில எழுத்தை சேர்க்கும்படி கூறினார். அதன்படி பெயர் மாற்றியதும் எனக்கு அதிர்ஷ்டம் ஏற்பட்டது. படங்கள் ஹிட்டாயின. நிறைய பட வாய்ப்புகளும் வருகிறது.

இவ்வாறு தமன்னா கூறினார்.