ஸ்டண்ட் நடிகர்கள் மோதல்: சல்மான்கான் படத்துக்கு ரூ.25 கோடி நஷ்டம்

மும்பை ஸ்டண்ட் நடிகர்களுக்கும், தென்னிந்திய மொழி ஸ்டண்ட் நடிகர்களுக்கும் இடையே மோதல் ஏற்பட்டுள்ளது. இந்திப் படங்களில் தென்னிந்திய மொழி ஸ்டண்ட் நடிகர்கள் கூடுதலாக பணியாற்ற அங்குள்ளவர்கள் எதிர்ப்பு தெரிவித்து உள்ளனர். இதனால் படப்பிடிப்புகளில் பாதிப்பு ஏற்பட்டுள்ளது.

சல்மான்கான் நடிக்கும் ‘மென்டல்’ இந்திப் படப்பிடிப்பு கடந்த 12 நாட்களாக நடக்கவில்லை. இதனால் அப்படத்துக்கு ரூ.25 கோடி நஷ்டம் ஏற்பட்டுள்ளதாக கூறப்படுகிறது. இந்த படத்துக்கு தென்னிந்திய ஸ்டண்ட் நடிகர்கள் நிறைய பேர் சம்பளம் கொடுத்து பணியமர்த்தப்பட்டு இருந்தனர்.

இந்தி ஸ்டண்ட் கலைஞர்கள் எதிர்ப்பால் படப்பிடிப்பை நடத்த முடியவில்லை. இதற்கிடையில் நிறைய இந்தி தயாரிப்பாளர்கள் தங்கள் படங்களில் இருந்து தென்னிந்திய ஸ்டண்ட் நடிகர்களை நீக்கி வருகிறார்கள்.