ஐ.பி.எல். போட்டியில் அதிக விக்கெட்: மலிங்காவை சமன் செய்த மிஸ்ரா

பஞ்சாப் அணிக்கு எதிரான ஆட்டத்தில் சன் ரைசர்ஸ் ஐதராபாத் வீரர் அமித் மிஸ்ரா 2 விக்கெட் கைப்பற்றினார். இதன்மூலம் ஐ.பி.எல். போட்டியில் அதிக விக்கெட் கைப்பற்றி உள்ள மலிங்காவை சமன் செய்தார். அமித் மிஸ்ரா 66 போட்டியில் விளையாடி 85 விக்கெட் கைப்பற்றியுள்ளார். 17 ரன் கொடுத்து 5 விக்கெட் கைப்பற்றியதே அவரது சிறந்த பந்துவீச்சு ஆகும்.

மலிங்கா 59 ஆட்டத்தில் 85 விக்கெட் கைப்பற்றி உள்ளார். அமித் மிஸ்ரா கடந்த சில தினங்களுக்கு முன்பு தான் 3-வது முறையாக ஐ.பி.எல்.லில் ஹாட்ரிக் சாதனை படைத்தவர் என்ற சாதனையை படைத்தார். தற்போது மலிங்காவை சமன் செய்துள்ளார்.

மலிங்காவை முந்தி அதிக விக்கெட் கைப்பற்றும் சாதனை வீரராக அவர் திகழ வாய்ப்பு உள்ளது. 6-வது ஐ.பி.எல். போட்டியில் அதிக விக்கெட் கைப்பற்றி மிஸ்ரா தற்போது முன்னணியில் உள்ளன. 11 விக்கெட் எடுத்து அவர் பர்பிள் தொப்பியை தன் வசப்படுத்தி உள்ளார்.