மே தின நினைவு பூங்காவில் மு.க.ஸ்டாலின் மரியாதை

மே தின நினைவு பூங்காவில் தி.மு.க. பொருளாளர் மு.க.ஸ்டாலின் மலர் வளையம் வைத்து மரியாதை செலுத்தினார். உழைப்பாளர்கள் போற்றும் உன்னத திருநாளாகிய மே தினமான இன்று சென்னை சிந்தாதிரிப்பேட்டையில் மே தின பூங்காவில் அமைந்துள்ள மே தின நினைவு சின்னத்தில் மு.க.ஸ்டாலின் மலர் வளையம் வைத்து வீர வணக்கம் செலுத்தினார்.

இந்த நிகழ்ச்சியில் முன்னாள் அமைச்சர் தா.மோ.அன்பரசன், டி.கே.எஸ். இளங்கோவன் எம்.பி., வட சென்னை மாவட்ட செயலாளர் ஆர்.டி.சேகர், முன்னாள் மேயர் மா.சுப்பிரமணியன், தெ.மு.ச. பொதுச் செயலாளர் சண்முகம், தொழிலாளர் அணி செயலாளர் சிங்கார ரத்தின சபாபதி, பகுதி செயலாளர்கள் மதன்மோகன், ஐ.சி.எப். முரளி, சதிஷ் குமார், தமிழ்வேந்தன், ஏழுமலை, நிர்வாகிகள் பிரபாகரன், பாலச்சந்திரன், ஜெகதீசன், தென் சென்னை மாவட்ட இளைஞரணி துணை அமைப்பாளர் ஏ.எம்.வி. பிரபாகர்ராஜா, மாணவரணி துணை அமைப்பாளர் பிரசிடென்சி சி.சதீஷ் உள்பட பலர் கலந்து கொண்டனர்.

சென்னை மாநகர அண்ணா தொழிற்சங்கம் சார்பில் பல்லவன் இல்லத்தில் கொடியெற்றி இனிப்பு வழங்கப்பட்டது. இதில் தாடிமாராசு, விஸ்வம் உள்பட பலர் கலந்து கொண்டனர்.