சரப்ஜித்சிங் மரணம்: உண்மைகள் வெளிவர வேண்டும்- நரேந்திர மோடி

பாகிஸ்தானின் லாகூர் சிறையில் கடந்த ஏப்ரல் 26-ம் தேதி கைதிகளால் கடுமையாக தாக்கப்பட்ட இந்தியாவை சேர்ந்த தூக்கு தண்டனை கைதி சரப்ஜித்சிங் தலையில் படுகாயம் அடைந்து உயிருக்கு ஆபத்தான் நிலையில் லாகூர் மருத்துவமனையில் அனுமதிக்கப்பட்டு சிகிச்சை பெற்று வந்தார்.

இந்நிலையில் சிகிச்சை பலனின்றி இன்று அதிகாலை 1 மணியளவில் அவர் மரணமடைந்தார். சரப்ஜித்சிங் மரணமடைந்த செய்தி கிடைத்த சிலமணி நேரத்தில் குஜராத் முதல்வர் நரேந்திர மோடி தனது கருத்தை டுவிட்டரில் தெரிவித்திருந்தார். அதில் அவர் கூறியிருப்பதாவது:-

சரப்ஜித்சிங்கின் மறைவு மிகவும் வருத்தத்துக்குரியது. அவரது ஆன்மா சாந்தி அடையட்டும். அவரது இழப்பை தாங்கிக்கொள்ளும் சக்தியை அவரது குடுபத்திற்கு இறைவன் அளிக்க வேண்டும். இந்திய, பாகிஸ்தான் அரசுகள் சரப்ஜித்சிங் விவகாரத்தில் மக்களை தவறாக வழிநடத்தியுள்ளன. இந்த விவகாரத்தில் உண்மைகள் வெளிவர வேண்டும்.

பாகிஸ்தானின் மனிதாபிமானமற்ற நடவடிக்கைகளுக்கு உறுதியான பதிலடியை மத்திய அரசால் அளிக்க முடியவில்லை. சமீபத்தில் இரண்டு இந்திய வீரர்களின் தலை துண்டிக்கப்பட்டது, இப்போது சரப்ஜித்சிங் இறப்பு ஆகியவை இதற்கு எடுத்துக்காட்டாகும்.

இவ்வாறு கூறியிருந்தார்.