சோமவார விரத மகிமை............

சோமவார விரத மகிமை............
பதிவு செய்த நாள் : வெள்ளிக்கிழமை, ஜனவரி 11, 1:53 PM IST
Recommended 0 கருத்துக்கள்0
Share/Bookmark
emailஇமெயில் printபிரதி
சோமவார விரத மகிமை............
How to do 8 strand braid

முன்னொரு காலத்தில் கயிலை மலையில் சிவபெருமான், தேவர்கள், முனிவர்கள், சித்தவித்தியாதரர்கள், கந்தருவர், கின்னரர், கிம்புருடர், முனிவர்கள் முதலானோர் புடைசூழ வீற்றிருந்தனர். அத்தருணம் பார்வதிதேவி அங்கு வந்து சிவபிரானைப் பணிந்து வணங்கி இருந்தனர். அச்சமயத்தில் எம்பிரான் தமது தலைமுடியை அசைத்தருளினார். அதிலிருந்த சந்திரனைக் கண்ட அனைவரும் ஆனந்தம் கொண்டனர்.

பார்வதிதேவி இறைவனை நோக்கித் "தேவரீர், தமது திருச்சடாமுடியின் கண்ணே இச்சந்திரன் வந்து வீற்றிருக்கும் காரணமென்னப'' என்றார். சிவபெருமான், "பார்வதியே, எனக்கு மிகவும் பிரீதியான சோமவார விரதத்தை இவன் முறைப்படி அனுஷ்டித்து இப்பேறு பெற்றான்'' என அருளிச் செய்தனர்.

அது கேட்ட பார்வதி, மிக மகிழ்ந்து, "சுவாமி! அப்படியானால் எங்களுக்கும் அவ்விரத முறையைக் கூறியருள வேண்டும்'' எனப் பணிந்து நின்றாள். இதையடுத்து சோமவார மகிமையை சிவபிரான் கூறியருளினார். அது பின் வருமாறு:- இத்தினத்தில் நீராடி நித்திய கருமங்கள் முடித்து சிவபூஜை செய்ய வேண்டும். அன்று ஒருவேளை மட்டும் சாப்பிட்டு சிவனைத் துதிசெய்தல் வேண்டும்.

மேலும் அடியார்களுக்கும் அன்னமளிக்க வேண்டும். அன்று முழுவதும் உபவாசமிருந்து அன்றிரவில் நித்திரை புரிதலும் உத்தமமாகும். இவ்வாறு அனுஷ்டிப்பவர்கள் திருக்கயிலாய பதவியை அடைவார்கள். இவ்வாறு சிவபெருமான் கூறினார்.