சூர்யாவை பின்னுக்கு‌த் தள்ளிய பரத்

சென்னை பாக்ஸ் ஆஃபிஸில் ஆதவனை பின்னுக்கு‌த் தள்ளி முதலிடத்தைப் பிடித்திருக்கிறது கண்டேன் காதலை. சமீபத்தில் வெளியான ஆறு படங்களில் இரண்டு படங்கள் மட்டுமே பாக்ஸ் ஆஃபிஸின் டாப் ஐந்தில் இடம்பிடித்திருப்பது கவலைக்கு‌ரிய விஷயம்.

5. தம்பிவுடையான்
காவி‌ரியைப் பற்றிய இந்தப் படம் சென்றவார இறுதியில் இரண்டு லட்சத்துக்கும் குறைவான வசூலை பெற்று ஐந்தாம் இடத்தை பிடித்துள்ளது. ஒருவார முடிவில் இதன் மொத்த வசூல் ஆறு லட்சங்கள்.

4. அதே நேரம் அதே இடம்
ஜெய், விஜயலட்சுமி நடித்திருக்கும் இப்படம் சென்ற வார இறுதியில் 4.6 லட்சங்களையும், ஒரு வார முடிவில் 23 லட்சங்களையும் வசூலித்துள்ளது.

3. பேராண்மை
எஸ்.பி.ஜனநாதனின் படத்துக்கு இன்னும் பரவலான வரவேற்பு இருக்கிறது. சென்ற வார இறுதியில் 14.7 லட்சங்களை வசூலித்த இப்படம், நான்குவார இறுதியில் 2.25 கோடிகளை தனதாக்கியுள்ளது.

2. ஆதவன்
ரெட் ஜெயண்டின் இப்படம் சென்ற வார இறுதியில் 16 லட்சங்களுக்கு மேல் வசூலித்து இரண்டாம் இடத்தை பிடித்துள்ளது. நான்குவார இறுதியில் இதன் வசூல், 4.31 கோடிகள்.

1. கண்டேன் காதலை
சென்றவார இறுதியில் சன் பிக்சர்ஸின் இந்தப் படம் 21.5 லட்சங்களை வசூலித்துள்ளது. ஒருவார முடிவில் இதன் வசூல் 1.15 கோடிகள்.

வரும் வெள்ளிக்கிழமை பழசிராஜா வெளியாவதால் பாக்ஸ் ஆஃபிஸில் மாற்றத்தை எதிர்பார்க்கலாம்.