கலைஞர் கொடுத்த விருது வாங்க வராத கலைஞர்கள்

சென்னையில், முதல்வர் கருணாநிதி முன்னிலையில் நடைபெற்ற விழாவில் நடிகை அசின், நடிகர் பரத், இசையமைப்பாளர் ஹாரிஸ் ஜெயராஜ் உள்பட 72 பேருக்கு கவர்னர் பர்னாலா கலைமாமணி விருதுகளை வழங்கினார். தமிழ்நாடு இயல் இசை நாடக மன்றம், கலைத்துறையில் சிறந்து விளங்கும் கலைஞர்களை ஆண்டு தோறும் தேர்ந்து எடுத்து கலைமாமணி’ விருது வழங்கி கவுரவித்து வருகிறது.

2007 ம் ஆண்டுக்கான கலைமாமணி விருது வழங்கும் விழா சென்னை கலைவாணர் அரங்கில் நடைபெற்றது. விழாவுக்கு முதல்வர் கருணாநிதி முன்னிலை வகித்தார். கவர்னர் சுர்ஜித்சிங் பர்னாலா விழாவுக்கு தலைமை தாங்கி நடிகை அசின், நடிகர் பரத், இசையமைப்பாளர் ஹாரிஸ் ஜெயராஜ் உள்ளிட்ட 72 கலைஞர்களுக்கு கலைமாமணி விருதுகளை வழங்கினார்.

இவர்களில் பரதநாட்டிய கலைஞர் ஸ்வேதா கோபாலன், நடிகைகள் நயன்தாரா, மீரா ஜாஸ்மின், ஷோபனா, சரோஜாதேவி, இயக்குநர் சேரன், பரதநாட்டியக் கலைஞர் ஸ்வேதா கோபாலன் ஆகியோர் விழாவுக்கு வரவில்லை. அவர்களுக்கு இந்த விருதுகள் அனுப்பி வைக்கப்படுவதாக தெரிவிக்கப்பட்டுள்ளது. விருது பெறும் பட்டியலில் இடம் பெறாத நடிகர் வினீத்துக்கு சிறந்த நடிகருக்கான கலைமாமணி விருது வழங்கப்பட்டது.