நயன்தாரா ரகசியம்

இன்றைய தேதியில் திரையுலகின் மர்ம தேசம் யார் என்றால் அது நயன்தாராதான். நயன்தாராவுக்கு படங்களே இல்லை, பணக் கஷ்டத்தில் தவிக்கிறார், தனது காஸ்ட்லி காரை விற்கும் நிலைமைக்கு வந்துவிட்டார்… இவையெல்லாம் நயன்தாராவைப் பற்றி வந்த வதந்திகளில் சில. ஆனால் உண்மை என்ன?

தமிழில் நயன்தாரா ஒப்புக்கொண்ட கடைசிப் படம் பாஸ் என்கிற பாஸ்கரன். இதன் படப்பிடிப்பு முடிந்துவிட்டது. மலையாளத்தில் நயன்தாரா நடிக்கும் எலெக்ட்ரா படத்தின் படப்பிடிப்பும் ஏறக்குறைய முடிவடையும் நிலையில் உள்ளது. தெலுங்கு, கன்னடப் படங்களும் இறுதிகட்டத்தில் உள்ளன. சுருக்கமாக நயன்தாரா இனி நடிப்பதற்கு படங்களில்லை.

தன்னை‌த் தேடி வரும் வாய்ப்புகளையும் நயன்தாரா ஏற்கவில்லை என்பதுதான் இதில் முக்கியமானது. இந்த புறக்கணிப்பு காரணமாக கோடம்பாக்கம் முழுக்க வதந்தி நாலுகால் பாய்ச்சலில் பாய்கிறது. நயன்தாரா – பிரபுதேவா திருமணம் விரைவில் நடக்கயிருக்கிறது. அதனால்தான் நயன்தாரா படங்களில் நடிப்பதை தவிர்க்கிறார் என ஓபனாகவே பேச ஆரம்பித்துள்ளனர்.

இதற்கு முற்றுப்புள்ளி வைக்க நயன்தாராவால் மட்டுமே இயலும்.