3 ரகசியம் !

3 படம் திரைக்கு வருவதற்கு முதல்நாள் வரை எடிட்டிங்கில் ஏகப்பட்ட மாற்றங்களை சந்தித்ததால் ரிலீஸூக்கு முதல் நாள் சென்னை சத்யம் திரையரங்கில் இரவு 9 மணிக்கு திட்டமிடப்பட்டிருந்த பிரிமியர் ஷோவு படம் ரிலீஸ் ஆன மார்ச் 30ம் தேதி இரவு 10.30 மணிக்கு மாற்றப்பட்ட கதை தெரியும்! பிரிமியர் ஷோவுடன் பத்திரிகையாளர் காட்சிகளையும் இதுநாள் வரை இல்லாத அதிசயமாக இரவு 10.30 மணிக்கு வைத்து பாதி தூக்கத்தில் பத்திரிகையாளர்களை படம் பார்க்க வைத்ததற்கான ரகசியம் காரணம் தெரியுமா?!
10.30 மணிக்கு 3 படத்தை திட்டமிட்டு பத்திரிகையாளர்களுக்கும் திரையுலக வி.ஐ.பி.,க்களுக்கும் படத்தை திரையிடக் காரணம், படத்தின் முன்பாதி அளவிற்கு பின்பாதி விறுவிறுப்பு இல்லாமல் இருந்ததுதான் எனும் தகவல் இப்பொழுது கிடைத்திருக்கின்றது.
பாதித்தூக்கத்தில் படம் பார்த்து விட்டு முன்பாதி பாதிப்பில், பின்பாதியையும் நன்றாக இருந்ததாக பத்திரிகையாளர்கள் எழுதி விடுவார்கள் எனும் நப்பாசைதான் காரணமாம்! அதுதான் இடைவெளியில் 3 பட நிறுவனம் சார்பில் தேநீர் கூட வழங்கப்படவில்லையாம்?!) ஆனால் இரவு பத்திரிகையாளர்கள் காட்சி போட்டு தூக்கத்தை கெடுத்த கடுப்பில் படத்தை தேவைக்கு அதிகமாகவே வறுத்தெடுத்து இருக்கிறார்கள் மீடியாக்காரர்கள் என்பது தான் நிதர்சனம்!