தேர்தல் நேரத்தில் சூட்டைக் கிளப்புமா கிருஷ்ணலீலை?

பிரமாண்ட இயக்குனர் என்ற பெயரைப் பெற்ற ஷங்கரிடம் இயக்குனர் பயிற்சி பெற்ற அனுபவத்துடன் கிருஷ்ண லீலை படத்தை இயக்கியவர் டைரக்டர் ஷெல்வன். சூட்டிங்கில் தொடங்கி எல்லா வேலைகளும் முடிந்து ரீலிசுக்கு தயாராகி, பல ஆண்டுகளாக பெட்டிக்குள் முடங்கிக் கிடக்கும் கிருஷ்ண லீலையின் நாயகனாக நடிகர் ஜீவனும், நாயகியாக மேக்னாவும் நடித்துள்ளனர்.

பொதுவாக படத்தின் ரீலிஸ் தேதி தள்ளிக் கொண்டே போனால் டைரக்டர்கள் ரொம்பவே வருத்தப்படுவார்கள். ஆனால் கிருஷ்ண லீலை டைரக்டர் ஷெல்வன் அதற்காக வருத்தப்படவே இல்லை.

இதுபற்றி கேட்டால், இந்த கால தாமதம் ஒருவகையில் எனக்கு நன்மையளிப்பதாகவே இருக்கிறது. கிருஷ்ண லீலை தேர்தல் நேரத்தில் திரைக்கு வரும் என எதிர்பார்க்கிறோம். அந்த நேரத்தில் வெளியானால் படம் நிச்சயமாக சூட்டை கிளப்பும். அந்த அளவுக்கு படத்தில் பரபரப்பான விஷயம் இருக்கிறது, என்கிறார் ஷெல்வன்.