குழப்பத்தில் விஜய் ரசிகர்கள்

விஜய் ரசிகர் மன்றத்தின் தலைவரே திமுக-வில் சேர்ந்துவிட்டார். இந்நிலையில் பல்வேறு மாவட்டங்களில் மன்றங்கள் கலைக்கப்பட்டதாகவும், திமுக-வில் ரசிகர்கள் சேர்ந்து வருவதாகவும் வெளியாகும் செய்திகள் விஜய் ரசிகர்களை ரொம்பவே குழப்பியிருக்கிறது.

ஆளும் கட்சி கொடுத்த நெருக்கடியும், தொல்லையுமே விஜய்யை அவர்களுக்கு எதிராக திரும்ப வைத்தது. என்றாலும் மகனை முதலமைச்சராக்க வேண்டும் என்ற எஸ்.ஏ.சந்திரசேகரனின் ஆசைதான் இந்த தேர்தலில் அளவுக்கதிகமான சர்ச்சையையும், சங்கடத்தையும் விஜய் எதிர்கொள்ள காரணமாக அமைந்தது.

கோயம்புத்தூரில் உள்ள பல விஜய் மன்றங்கள் கலைக்கப்பட்டு, 300க்கும் அதிகமான விஜய் ரசிகர்கள் திமுக-வில் இணைற்துள்ளதாக செய்திகள் தெ‌ரிவிக்கின்றன. இந்த செய்திகளை விஜய் தரப்பு மறுத்தாலும் விஜய் பதிலளிக்காமல் இருப்பது அவரது ரசிகர்களை குழப்பத்தில் ஆழ்த்தியுள்ளது.

ஆனால் விஜய்யின் வேலாயுதம் வெளியானால் இந்த குழப்பமெல்லாம் தீர்ந்துவிடும் என்கிறார்கள் விஜய் மன்ற நிர்வாகிகள்