பாலிவுட் என்னை ஏமாற்றிவிட்டது: சதா வருத்தம்!

ஜெயம்” படத்தின் மூலம் அறிமுகமானவர் நடிகை சதா. தொடர்ந்து அந்நியன், உன்னாலே உன்னாலே போன்ற படங்களில் நடிக்க தொடங்கினார். தமிழ், தெலுங்கு கன்னடம் என்று தென்னிந்திய படங்களில் நடித்த சதாவுக்கு பாலிவுட் பட வாய்ப்பு தேடி வந்தது.

அங்கும் ஒன்றிரண்டு படங்களில் நடித்தார். ஆனால் அம்மணியால் நிலைத்து நிற்க முடியவில்லை. இதனால் மீண்டும் தென்னிந்திய படங்களில் நடிக்க வாய்ப்பு தேடி காத்திருக்கிறார்.

இதுகுறித்து சதா கூறியதாவது, பாலிவுட் படங்களை நம்பி நிறைய தென்னிந்திய பட வாய்ப்புகளை இழந்தேன். பாலிவுட் உலகம் என்னை எமாற்றி விட்டது, இனி தென்னிந்திய பட உலகம் தான் எனக்கு உற்சாகம் தர முடியும் என்று நம்புகிறேன். இப்போ‌தெல்லாம் புது நாயகன், பிடித்தமான கதை என்றெல்லாம் பார்ப்பது இல்லை நல்ல கேரக்டராக ‌கொடுத்தால் நடிக்க காத்திருக்கிறேன். பாலிவுட் சென்று வந்த பிறகு நான் தெளிவாகி இருக்கிறேன். நடிப்பதற்கு முன் பல விஷயங்களை யோசித்து பின்னர் தான் நடிக்க ஒப்புக்கொள்கிறேன். இவ்வாறு அவர் கூறியுள்ளார்.