த்‌ரிஷா, அ‌‌ஜீத் காதல் காட்சிகள் – வெங்கட்பிரபு திருப்தி

இன்று மங்காத்தா ஆடியோ வெளியாகியுள்ளது. ரேடியோ மிர்ச்சியில் இப்போது நீங்கள் பாடல்களை கேட்டுக் கொண்டிருக்கலாம்.

தற்போது மங்காத்தாவின் டப்பிங் வேலைகள் நடந்து வருகின்றன. ஆச்ச‌ரியமாக த்‌ரிஷா தனது சொந்தக் குரலில் டப்பிங் பேசியிருக்கிறார். த்‌ரிஷா சொந்தக்குரலில் பேசுவது இது முதல்முறையல்ல. கமலின் மன்மதன் அம்‌பு‌வில்கூட சொந்தக் குரலில்தான் டப்பிங் பேசினார்.

ஆயினும் பெரும்பாலான படங்களில் த்‌ரிஷாவுக்கு டப்பிங் ஆர்ட்டிஸ்டுகள்தான் குரல் கொடுப்பது. மங்காத்தாவில் த்‌ரிஷாவின் கேரக்டருக்கு அவரது வாய்ஸ் பொருத்தமாக இருக்கும் என்பதால் அவரையே டப்பிங் பேச வைத்ததாக வெங்கட்பிரபு தெ‌ரிவித்தார். த்‌ரிஷா, அ‌‌ஜீத் காதல் காட்சிகள் பற்றி கேட்டதற்கு, இருவ‌ரின் காதல் காட்சிகள் பிரமாதமாக வந்திருப்பதாக திருப்தி தெ‌ரிவித்தார் வெங்கட்பிரபு.

இந்த மாத இறுதியில் மங்காத்தாவை திரையில் எதிர்பார்க்கலாம்.