மங்காத்தாவுக்கு சிக்கல் – குறித்த நேரத்தில் வருமா மங்காத்தா?: ஒதுங்கிக் கொண்ட அஜீத்!!

சீட்டுக்கட்டுகளின் சிக்கலான ஏரியாவை பற்றி பேசும் படம்தான் மங்காத்தா. ஆனால் அதை சிக்கல் இல்லாமல் வெளியே கொண்டு வருவார்களா என்பதில்தான் இப்போது சிக்கலே!

மங்காத்தாவை மத்திய அமைச்சர் அழகிரியின் மகன் தயாநிதி அழகிரிக்கு சொந்தமான கிளவுட் நைன் மூவிஸ் நிறுவனம்தான் தயாரித்திருக்கிறது.

இந்நிறுவனம் இதற்கு முன்பு தயாரித்த “வ குவாட்டர் கட்டிங்”, “அழகர்சாமியின் குதிரை” ஆகிய படங்கள் வெற்றி பெறாததால் தியேட்டர் அதிபர்கள் பெரும் நஷ்டத்துக்கு ஆளானார்களாம். பாதிக்கப்பட்ட தியேட்டர் அதிபர்கள்தான் இப்போது, மங்காத்தாவுக்கு போர்க்கொடி தூக்கியிருக்கிறார்கள். முந்தைய படங்களில் ஏற்பட்ட நஷ்டத்தை ஈடு கட்டாமல், புதிய படத்தை ரிலீஸ் செய்ய அனுமதிக்க மாட்டோம் என்று, தியேட்டர் அதிபர்கள் சங்கம் கிடுக்கிப் பிடி போட்டிருக்கிறது.

இம்மாதம் 30 ந் தேதி அல்லது அடுத்த மாதம் 1 ந் தேதி மங்காத்தாவை வெளிக் கொண்டு வரும் முயற்சியில் இருக்கிறார்கள். இந்த நேரத்தில் திரையரங்க உரிமையாளர் சங்கத்தின் கிடுக்கிப்பிடி அவர்களை அதிர வைத்திருக்கிறது.

ஒரு படத்தை முடித்துக் கொடுத்ததோடு தன் கடமை முடிந்தது. அதற்கு பிறகு அது தயாரிப்பாளர் பாடு, விநியோகஸ்தர்கள் பாடு என்று ஒதுங்கிக் கொண்டாராம் அஜீத்.

மஙகாத்தாவின் அடுத்த ஆட்டம் என்னவாக இருக்குமோ?