சிம்புவுடன் மோதுவதற்கு தயாராகும் தனுஷ்

தமிழ் திரையுலகில், வளர்ந்து வரும் நடிகர்களில் சிம்புவும் தனுஷும் அடங்குவர். இவர்களில் தனுஷ் தேசிய விருது பெற்று விட்டார். ஆனால் நடிப்புலகில் அனுபவத்தை பொறுத்த வரையில் சிம்புதான் முதலில் இருப்பார். தனுஷ் இரண்டாவது இடம் பிடிப்பார். அமைதியாக இருக்கும் தனுஷ் விரைவில் சிம்புவுடம் மோதுவதற்கு தயாராகிவிட்டார்.

நம்ப முடியவில்லையா? நம்புங்கள்… உண்மைதான். தரணியின் இயக்கத்தில் சிம்பு நடித்து வரும் படம் ‘ஒஸ்தி’. இது பாலிவுட்டில் வெற்றி பெற்ற ‘தபாவ்’ படத்தின் ரீமேக் என்பது குறிப்பிடத்தக்கது. இப்படம் வரும் தீபாவளி அன்று திரைக்கு வர இருக்கிறது.

இந்நிலையில் செல்வராகவன் இயக்கத்தில் தனுஷ் நடித்து வரும் ‘மயக்கம் என்ன’ திரைப்படம் தயாராகி வருவதாகவும், இப்படம் அக்டோபர் முதல் வாரம் அல்லது தீபாவளி தினத்தன்று திரைக்கு வரும் என்று இயக்குனர் செல்வராகவன் தெரிவித்துள்ளார்.

இதனால் சிம்பு படத்துடன், தனுஷ் படம் மோத தயாராகி வருகிறது. இதில் இன்னொரு விஷயம் என்னவென்றால், இதே தினத்தில் சூர்யாவின் ‘7ஆம் அறிவு’ திரைக்கு வருகிறது என்பது குறிப்பிடத்தக்கது