ஆக்ஷன் ஹீரோயினாகிறார் அனுஷ்கா – இது செல்வராகவனின் மேஜிக்

செல்வராகவன் இயக்கத்தில் விரைவில் துவங்கப் போகும் படம் ஒன்றில் நடிக்கவிருக்கிறார் ஆர்யா. அவருக்கு ஜோடியாக நடிக்கப் போவது அனுஷ்கா. ம் இதிலென்ன பிரமாதம் என்று அலுத்துக் கொள்பவர்கள் அடுத்த விஷயத்தை கேட்டால் ஆடிப் போய்விடுவீர்கள். இந்த படத்தில் ஆக்ஷன் ஹீரோயினாக நடிக்கப் போகிறாராம் அனுஷ்கா.

பூவுக்கு வாளெடுத்து சுற்றுவது ஒன்றும் புதுசில்லை. ஏற்கனவே அருந்ததி என்ற படத்தில் அதை நடத்திக் காட்டியவர்தான் அனுஷ். ஆனால், செல்வா படத்தில் காதல் புதுசாக இருக்கும். கண்ணீர் புதுசாக இருக்கும். ஆக்ஷனும் அப்படிதானே இருக்கும்?

விஜயசாந்தி மாதிரி அந்தரத்தில் பறந்து ஆளை கபளீகரம் செய்கிற ஆக்ஷன் இல்லை இது. வேறு டைப் என்கிறார்கள். ஆனால் அதன்பின் அனுஷ்காவை பார்த்தால், இதுவரை நாம் அவதானித்து வைத்திருக்கும் மைல்ட் ஹீரோயின் முகம் மறைந்து கடும் ராட்சசியாக கண்ணில் தெரிவாராம்.

எல்லா புகழும் செல்வாவுக்கே!