இந்தியாவின் பெரிய ஹீரோ அன்னா ஹசாரே : சீயான் விக்ரம்

சமூக ஆர்வலரான அன்னா ஹசாரே ஊழலுக்கு எதிராக உண்ணாவிரத போராட்டம் இருந்து வருகிறார். இப்போராட்டத்துக்கு தமிழகத்திலிருந்து பல்வேறு தரப்பிலிருந்தும் ஆதரவு கிடைத்து வருகிறது. தமிழ் சினிமாவும் ஆதரவு தெரிவித்துள்ளது.

தற்போது இப்போராட்டத்திற்கு சீயான் விக்ரமும் ஆதரவு தெரிவித்துள்ளார். சென்னை ஸ்டெல்லா மேரீஸ் கல்லூரியில் நடைபெற்ற விழாவில் கலந்து கொண்ட நடிகர் விக்ரம்,

அன்னா ஹசாரே இந்த வயதில் நாட்டுக்காகவும், மனித நேயத்துக்கும் நடத்தும் உண்ணாவிரத போராட்டத்துக்கு நான் ஆதரவு தெரிவிக்கிறேன். நம் நாட்டில் எல்லா வளங்களும் இருக்கின்றன. எல்லாம் இருந்தும் நாட்டின் முன்னேற்றத்துக்கு ஊழல் பெரிய தடையாக இருக்கிறது. அதை ஒழிக்க போராடும் ஹசாரேதான் இந்தியாவின் பெரிய ஹீரோ என்றார்.