அடுத்தடுத்து 2 ஷோ ! : தல டா மங்காத்தா டா! சிம்புவின் ‘மங்காத்தா’ சிலிர்ப்பு

நடிகர்களில் ‘நான் அஜீத்தின் ரசிகன்’ என்று வெளிப்படையாக கூறி வருபவர் சிம்பு. ‘மங்காத்தா’ படம் வெளியான அன்று தான் நடித்து வந்த ‘ஒஸ்தி’ படத்தின் படப்பிடிப்பை ஒரு நாள் ரத்து செய்து விட்டு, முதல் நாள் முதல் காட்சியை சென்னை சத்யம் திரையரங்கில் பார்த்தார்.

முதல் காட்சி முடிந்தது, அடுத்த காட்சியையும் தொடர்ந்து பார்த்து ரசித்து இருக்கிறார் சிம்பு. படம் பார்க்கும் போது அஜீத் வரும் காட்சிகளின்போது விசில் அடித்து ரசித்து பார்த்தாராம்.

‘மங்காத்தா’ படம் குறித்து சிம்பு தனது ஃபேஸ்புக் இணையத்தில் ” தல பணத்தை மட்டும் கவரவில்லை.அனைவரையும் கவர்ந்து விட்டார். தல நன்றாக நடித்து இருக்கிறார். படக்குழுவினர் ஒவ்வொருவருக்கும் எனது வாழ்த்துக்களை தெரிவித்து கொள்கிறேன். தல டா மங்காத்தா டா! ” என்று தெரிவித்துள்ளார்