ரஜினி படித்த பள்ளிக்கு எண்பது லட்சத்தை ஒதுக்கிய அரசு

நைந்து போகிற கர்சீப் ஆக இருந்தாலும் அதை பிரபலங்கள் பயன்படுத்தியிருந்தால் பெட்டகத்தில் வைத்து பாதுகாப்பார்கள். இதுதான் புகழுக்கும், வெற்றிக்கும் இருக்கிற பெருமை. அந்த பெருமையை ரஜினிக்கும் அளித்திருக்கிறது கர்நாடகா அரசு.

ரஜினி நான்காம் வகுப்பு வரை படித்த பெங்களூரு ஹட்டக்கல்லி பகுதியில் உள்ள அரசு மாடல் பிரைமரி பள்ளியை புதுப்பிக்கப் போகிறதாம். இதற்காக 80 லட்ச ரூபாயை ஒதுக்கியிருக்கிறது அந்த அரசு.

இப்படி இந்த பள்ளியை சீரமைக்க வேண்டும் என்ற கோரிக்கையை எழுப்பியவர்கள் ரஜினியின் ஆரம்பகால நண்பர்கள்தானாம். பள்ளி கட்டிட செலவு போக மீதியிருக்கும் தொகையை வைத்துக் கொண்டு 42 மாணவர்களை படிக்க வைக்கப் போவதாக கூறியிருக்கிறார் ரஜினியின் நண்பர் ராவ்பகதூர்.

மீன் செத்தா கருவாடு, நீ செத்தா வெறும் கூடு என்று ரஜினியின் தத்துவப் பாடலை கேட்ட பிறகும் உதவவில்லை என்றால் எப்படிங்க…?