‘காசி குப்ப’த்தை ஆராயும் கீர்த்தி சாவ்லா!

ஆக்ஷன் கிங் அர்ஜுன் நடித்த ‘ஆணை’ படத்தின் மூலம் கதாநாயகியாக அறிமுகமானவர் ‘கீர்த்தி சாவ்லா’. விதார்த் நடித்த ‘முதல் இடம்’ படத்தில் குத்துப் பாட்டுக்கு ஆடியவர், ‘காசி குப்பம்’ என்ற புது படத்தில், மிகவும் வித்தியாசமான கேரக்டரில் நடிக்க இருக்கிறாராம். இதுகுறித்து அவர் கூறியதாவது: “சமீபத்தில் திரைக்கு வந்த ‘முதல் இடம்’ படத்தில் நடித்திருக்கிறேன். அடுத்து ‘காசி குப்பம்’ படத்தில் கொடிய நோய்க்கு மருந்து கண்டு பிடிக்கும் ஆராய்ச்சியாளராக நடிக்கிறேன்.

இதற்காக எந்த லேபுக்கும் சென்று பயிற்சி எடுக்காவிட்டாலும் இந்த வேடத்தில் முழு ஈடுபாடு காட்டுகிறேன். உழைக்க மட்டுமே தெரிந்த குடிசை பகுதி மக்களின் அறியாமையை பயன்படுத்தி அவர்களின் உடல் உறுப்புகளை திருடி விற்கும் ஒருவனின் தில்லுமுல்லுகளை சொல்கிறது படம். இப்படத்தை புதுமுகம் அருண், இயக்கி நடிக்கிறார்.” என்றார்.

அதெப்டி சார்.. கொடிய நோயெல்லாம் குப்பத்திலிருந்து மட்டுந்தான் பரவுமா…?