‘முப்பொழுது உன் கற்பனையில்’ இசை வெளியீட்டு விழா!

அதர்வா, அமலா பால் நடிப்பில் வெளிவர இருக்கும் படம் ‘முப்பொழுது உன் கற்பனையில்’. தயாரிப்பாளர் குமார் இயக்க, ஜி.வி.பிரகாஷ் இசையமைத்து இருக்கிறார். R.S.INFOTAINMENT நிறுவனம் தயாரித்து இருக்கிறது.

இப்படத்தின் ஒரே ஒரு பாடல் வெளியீட்டு விழா சென்னையில் செப் 28 ஆம் திகதி நடைபெற்றது. நடிகர் ஜீவா வெளியிட இயக்குனர் வெற்றிமாறன் பெற்றுக் கொண்டார். அதர்வா, இயக்குனர் குமார், பாடல் ஆசிரியா தாமரை உள்ளிட்டோர் கலந்து கொண்டனர்.

பாடலாசிரியர் தாமரை பேசியது “இயக்குனர் கெளதம் வாசுதேவ் மேனன் படத்திற்கு பின்பு குமார் இயக்கி இருக்கும் இந்த படத்திற்கு அனைத்து பாடல்களையும் எழுதி இருக்கிறேன். எனக்கு இயக்குனர் குமாரை ஒரு தயாரிப்பாளாராக தான் தெரியும். ‘விண்ணைத் தாண்டி வருவாயா’, ‘கோ’ போன்ற வரவேற்பை பெற்ற படங்களின் தயாரிப்பாளர் ‘முப்பொழுது உன் கற்பனையில்’ படத்தின் மூலம் இயக்குனர் அவதாரம் எடுத்து இருக்கிறார்.

இந்த படத்தின் பாடல்கள் எழுதியது ஒரு சுவாரஸ்சியமான அனுபவம். அந்தியின் வெயிலை… பந்தாடுதே பேய்மழை…! என்ற இந்த பாடல் படத்தில் நாயகன் நாயகி ஒரு கிப்ட் வாங்க செல்லும் போது அவளுக்கு என்ன பிடிக்கும் என்று அவனது மனது நினைக்கிறது. அப்போது இந்த பாடல் இடம்பெறும்.

எனக்கு இப்போதைய இளைஞர்கள் என்ன கொடுக்கிறார்கள் என்று தெரியாது. ஆகையால் என்னை CITI CENTER, EXPRESS AVENUE போன்ற இடங்களை எனக்கு சுற்றி காட்டினார்கள். அங்கு நிறைய கடைகளுக்கு சென்று என்ன வாங்குகிறார்கள் என்பதை பார்த்து இந்த பாடலை எழுதி இருக்கிறேன். கண்டிப்பாக இந்த பாடலும் படத்தில் இடம்பெற்று இருக்கும் மீதி பாடல்களும் இளைஞர்களை கவரும் விதத்தில் இருக்கும்” என்று கூறினார்.

இசையமைப்பாளர் ஜி.வி.பிரகாஷ் பேசியது “எனக்கு இந்த வருடம் மிக முக்கியமான ஆண்டாக பார்க்கிறேன். என்னுடைய நிறைய பாடல்கள் வரவேற்பை பெற்று இருக்கின்றன.

நான் ஒரு படத்திற்கு அனைத்து பாடல்களையும் இளைஞர்களை கவரும் விதத்தில் செய்தது இல்லை. இந்த படத்தின் அனைத்து பாடல்களும் இளைஞர்களை மனதில் வைத்தே இசையமைத்து இருக்கிறேன். என்னை பொறுத்தவரை இந்த ஆல்பம் ஒரு ROMANTIC ALBUM” என்று கூறினார். நாயகன் அதர்வா பேசியது “இந்த படத்தின் கதை என்னிடம் கூறியவுடன் கொஞ்சம் தயங்கினேன். நம்மால் இதை செய்ய முடியுமா என்று. ஆனால் இந்த படம் இந்தளவு நான் நடித்து இருக்கிறேன் என்றால் அதற்கு முழுக்காரணம் இயக்குனர் குமார் மற்றும் படக்குழுவினர் மட்டுமே.

படப்பிடிப்பு துவங்கும் முன்பு போட்டோ ஷுட் நடத்தினோம். அந்த படங்களை எல்லாம் பார்த்து விட்டு எனக்கு நிறைய பேர் போன் செய்தார்கள். அதில் ஒருவர் சார் நீங்க BATMANஆ நடிக்கிறீர்களா இந்த படத்தில் என்று கேட்டார். மற்றொருவர் SUPERMANஆ நடிக்கிறீர்களா என்று கேட்டார். நான் இல்லை என்று கூறியதும் அப்புறம் எதுக்கு சார் இறக்கை வைத்து போஸ் கொடுத்து இருக்கிறீர்கள் என்று கேட்டார்.

‘முப்பொழுதும் உன் கற்பனைகள்’ படம் ஒரு FULL FLEDGED ROMANTIC LOVE STORY. பாடல்களும் அருமையாக அமைந்து இருக்கிறது” என்று கூறினார், இயக்குனர் குமார் பேசியது “நான் தயாரித்த ‘விண்ணைத்தாண்டி வருவாயா’, ‘கோ’ போன்ற படங்களுக்கு எப்படி ஆதரவு அளித்தீர்களோ அதைப் போலவே ‘முப்பொழுதும் உன் கற்பனைகள்’ படத்திற்கும் உங்களது ஆதரவு வேண்டும். கதை, திரைக்கதை, வசனம் மூன்றுமே நான் எழுத புதுமுக இயக்குனர் ஒருவர் தான் முதலில் இந்த படத்தினை இயக்கினார். அதற்கு பிறகு ஏற்பட்ட கருத்து வேறுபட்டால் நானே இயக்குனராக ஆனேன்.

இந்த படம் கண்டிப்பாக அனைவரையும் கவரும் விதத்தில் அமையும்” என்று கூறினார்.