மெகா டிவியில் ஸ்ரீவித்யாவின் கடைசித் தொடர்!

கமல்ஹாசன், விஜய், அஜித் என அனைத்து முன்னணி நடிகர்களுடனும் நடித்தவர் நடிகை ஸ்ரீவித்யா. அவர் மரணத்திற்கு முன்பு கடைசியாக நடித்த மெகா தொடர், `அக்கா – தங்கை. ஸ்ரீவித்யாவின் மறைவால் இந்த தொடரை ஒளிபரப்பலாமா வேண்டாமா…? என்று ரசிகர்களிடம் கேட்டபோது, நாங்கள் ஸ்ரீவித்யாவின் கடைசி நடிப்பை காண ஆவலாய் இருக்கிறோம். உடனே ஒளிபரப்புங்கள் என்று பெருவாரியான ரசிகர்கள் வரவேற்பு கொடுத்தனர்.

அதைத்தொடர்ந்து ஸ்ரீவித்யா நடித்த `அக்கா – தங்கை தொடர் மெகா தொலைக்காட்சியில் விரைவில் ஒளிபரப்பாக இருக்கிறது. ஸ்ரீவித்யாவுடன், ஜீவா, பாவனா, வசந்த், விஜய்பாபு, பிரகதி, வரலெட்சுமி நடித்துள்ளனர். கண்மணி சுப்புவின் கதை வசனத்தில் தேவராஜ் இயக்கத்தில் உருவாக்கப்பட்டுள்ள இந்த தொடரை மெகா டிவி தயாரித்திருக்கிறது.