ஷாருக்கானுக்கு ரஜினி அளித்த பரிசு!

ரஜினியை அவரது போயஸ் கார்டன் வீட்டில் சந்தித்துத்துப் பேசியதை புகைப்படத்துடன் செய்தியாக அனுப்பியிருக்கிறார்கள் சௌந்தர்யா ரஜினியின் மக்கள் தொடர்பாளர்கள். ‘ரா ஒன்’ படத்தின் பாடல் வெளியீடு முடிந்த பிறகு சென்னை தாம்பரத்தில் உள்ள சிவானந்த குருகுலத்துக்கு ரகசியமாகச் சென்று திரும்பிய ஷாருக், மாலை 6 மணிக்கு ரஜினியைச் சந்தித்தாரம். மக்கள் தொடர்பாளர்கள் அனுப்பியிருக்கும் புகைப்படத்தில், மீண்டும் அந்த வசீகர சிரிப்பும், கம்பீரம் பொலியும் முகத்துடன் முழுவதும் குணமாகிவிட்ட ரஜினி, ஷாருக், தனது மகள் சௌந்தர்யாவுடன் புகைப்படத்துக்கு போஸ்கொடுத்திருக்கிறார்.

ரஜினி முகத்தில் அடர்ந்து வளரத் தொடங்கியிருக்கும் கம்பீர மீசையைக் கண்டு ஷாருக் கேட்டாராம் ‘ரஜினிஜி இந்த மீசை ராணாவுக்காகவா?’ ‘எஸ்!’ என்று சிரித்த ரஜினி வீட்டில், ஷாருக்கானுக்கு சைவ விருந்து அளிக்கப்பட்டிருகிறது. ஷாருக் புறப்படும்போது அவருக்கு ஒரு இன்ப அதிர்ச்சியாக தனது சிற்பத்தையே நினைவுப் பரிசாக ஷாருக்கிற்கு அளித்திருக்கிறார் ரஜினி.

சே.. கொடுத்து வச்சவருப்பா……..