தீபாவளி ரிலீஸ் விஜய், சூர்யா படங்களுக்கு கூடுதல் தியேட்டர்கள் 15 படங்கள் முடக்கம்

பாவளிக்கு விஜய்யின் “வேலாயுதம்”, சூர்யாவின் “7 ஆம் அறிவு” ஆகிய இரு படங்கள் மட்டுமே ரிலீசாகின்றன. 7 ஆம் அறிவு 340-க் கும் மேற்பட்ட தியேட்டர்களில் திரையிடப்படுகிறது. வேலாயுதம் சுமார் 300 தியேட்டர்களில் ரிலீஸ் ஆகிறது. இவ்விரு படங்களும் தமிழகம் முழுவதும் கூடுதல் தியேட்டர்களை பிடித்துக்கொண்டதால் வேறு படங்களுக்கு தியேட்டர்கள் கிடைக்கவில்லை.

இதனால் தீபாவளிக்கு ரிலீசாகாமல் 15 படங்கள் முடங்கியுள்ளதாக தியேட்டர் உரிமையாளர் ஒருவர் கூறினார். தனுசின் “மயக்கம் என்ன”, சிம்புவின் “ஒஸ்தி”, அங்காடி தெரு மகேஷ் நடித்த கொஞ்சம் சிரிப்பு கொஞ்சம் கோபம், “தாண்டவக்கோனே” உள்ளிட்ட படங்கள் தீபாவளிக்கு ரிலீஸ் ஆகும் என எதிர்பார்க்கப்பட்டது. தியேட்டர்கள் தட்டுப்பாட்டால் அவை தள்ளி வைக்கப்பட்டு உள்ளன. ஷாருக்கானின் “ரா ஒன்” படம் மட்டும் விஜய், சூர்யா படங்களுடன் தீபாவளிக்கு வருகிறது.

இது இந்தியில் இருந்து தமிழில் டப்பிங் செய்து வெளியிடப்படுகிறது. மல்டி பிளக்ஸ் தியேட்டர்களில் மட்டும் இப்படம் ரிலீஸ் செய்யப்படுகிறது. 7 ஆம் அறிவு, வேலாயுதம் ஆகிய இரு படங்களுமே தணிக்கை குழுவிடம் இருந்து “யூ” சான்றிதழ் பெற்றுள்ளன. 7 ஆம் அறிவு படத்துக்கு இன்று முதல் முன்பதிவு தொடங்கி உள்ளது.