பிரமாண்டமாக நடைபெற இருக்கும் ‘ஒஸ்தி’ பாடல் வெளியீட்டு விழா

இன்று மாலை சிம்பு நடிக்கும் ‘ஒஸ்தி’ படத்தின் பாடல் வெளியீட்டு விழா, சென்னையில் நடைபெற இருக்கிறது. ஹிந்தியில் வெற்றி பெற்ற ‘தபாங்’ படத்தின் தமிழ் ரீமேக்கான இப்படத்தை, தரணி இயக்கி வருகிறார். சிம்புவிற்கு ஜோடியாக ரிச்சா கங்கோபத்யாய் நடித்து வருகிறார். தமனின் இசையமைப்பில் இப்படத்தில் மொத்தம் ஐந்து பாடல்கள் இடம்பெற்றுள்ளன. அதில் ‘கலாசலா…கலாசலா’ என்ற குத்துப் பாடலும் அடங்கும். இப்பாடலை டி. ராஜேந்தரும், எல்.ஆர்.ஈஸ்வரியும் பாடியிருக்கின்றனர். இப்பாடலுக்கு சிம்பு, சோனு சூட், மல்லிகா ஷெராவத் ஆகியோர் ஆடியிருக்கின்றனர்.

இன்று மாலை நடைபெற இருக்கும் இப்படத்தின் பாடல் வெளியீட்டு விழாவில், இப்படத்தில் இடம்பெற்ற 5 பாடல்களும் நேரடியாக மேடையில் பாடப்படுமாம். அதுமட்டுமின்றி சிம்பு மற்றும் 50 பேர் கொண்ட நடனக் குழுவினரும் நடனமாட இருக்கிறார்களாம்.