அமெரிக்கா செல்கிறது முப்பொழுதும் உன் கற்பனைகள்…!

பாடல் காட்சிகளை படமாக்க அமெரிக்கா பறக்க இருக்கிறது முப்பொழுதும் உன் கற்பனைகள் படக்குழு. ஆர்.எஸ்.இன்போடைன்மெண்ட் சார்பில், பிரம்மாண்டமாக தயாராகும் படம் “முப்பொழுதும் உன் கற்பனைகள்”. இப்படத்தின் நாயகனாக மறைந்த நடிகர் முரளியின் மகன் நடிக்கிறார். “பானா காத்தாடி” படத்திற்கு பிறகு இவர் நடிக்கும் இரண்டாவது படம் இதுவாகும்.

படத்தில் அதார்வாவுக்கு ஜோடியாக அமலா பால் நடிக்கிறார். படத்தின் சூட்டிங் இறுதி கட்டத்தை எட்டியுள்ள நிலையில், பாடல் காட்சிகளை படமாக்க அமெரிக்கா செல்ல இருக்கிறது முப்பொழும் உன் கற்பனைகள் படக்குழு.

இந்தப் படத்தில் இடம்பெறும் மூன்று பாடல்களை அமெரிக்காவில் படமாக்குகிறார்கள். லாஸ் வேகாஸ், கிராண்ட் கேன்யன், நியூயார்க் நகரங்களில் இதுவரை எந்த தமிழ்ப்படமும் படமாக்கப்படாத லொகேஷன்களில் இந்தப் பாடல்கள் படமாகின்றன.

இவற்றில் ஒரு முறை… என்ற பாடலில் இசையமைப்பாளர் ஜீவி பிரகாஷ் தோன்றுகிறாராம். இதற்காக நடிகர் அதர்வா, நடிகை அமலா பால் உள்ளிட்ட படக்குழுவினர் வருகிற 28ம் தேதி அமெரிக்கா புறப்பட இருக்கின்றனர்.