அமீர்கான் படத்தில் சிம்பு!

லகான் படத்தின் மூலம் இந்திய சினிமாவை ஆஸ்கர்வரை எடுத்துச் சென்றவர் தரமான சினிமாவை நேசிக்கும் பாலிவுட்டின் முன்னனி ஹீரோவான அமீர்கான். லாகனுக்கு பிறகு தொடர்ந்து தரமான படங்களில் நடித்தும் தயாரித்தும் வருகிறார் அமீர். இப்படி இந்த ஆண்டில் இவர் தயாரித்த இரண்டு முக்கியமான படங்கள் ‘தோபி கேட்’ மற்றும் டெல்லி பெல்லி ஆகிய படங்கள். தோபிகேட்டை அமீர்கானின் மனைவியே இயக்கியிருந்தார்.

முழுநீள நகைசுவைப் படமான டெல்லி பெல்லி பாலிவுட் ரசிகர்களையும் தாண்டி அனைத்து மொழி ரசிகர்களின் பாராட்டையும் அள்ளியது

டெல்லி பெல்லி படத்தினை இந்தியா முழுக்க விநியோகம் செய்தயூடிவி நிறுவனம் அந்தப்படத்தின் தமிழ் மற்றும் தெலுங்கு உரிமை கைவசம் வைத்துள்ளது.

இதில் முதலாவதாக தமிழில் டெல்லி பெல்லியை ரீமேக் செய்கிறது ஜப் வி மெட் இந்தி படத்தினை தமிழில் கண்டேன் காதலை என்ற பெயரில் வெற்றிகரமாக ரீமேக் செய்த கண்ணணிடம், இந்தபடத்தை ரீமேக் செய்து தமிழில் இயக்கும் பொறுப்பை ஒப்படைத்து ஒப்பந்தம்போட்டிருகிறது யூடிவி.

இந்தபடத்தில் சிம்புவை ஹீரோவாக ஒப்பந்தம் செய்ய பேச்சு வார்த்தை நடத்தி வந்த யூடிவி அதில் 99 சதவீதம்வெற்றி பெற்றுவிட்டதாக ஹாட் தகவல் நம் காதுகளை எட்டுகிறது. 3 இடியட்ஸ் ஹிந்தி ரீமேக்கில் ஜீவா ஏற்ற கதாபாத்திரத்தில் நடிக்க மறுத்த சிம்பு, தற்போது தபாங் படத்தின் தமிழ் ரீமேக்கான ஒஸ்தி படத்தில் நடித்து முடித்து விட்டார்.

அடுத்து வேட்டை மன்னனில் நடித்து முடிக்க இருக்கும் சிம்புவின் கால்ஷீட்டை டெல்லி பெல்லிக்காக ஜனவரி முதல் கேட்டிருகிறாரர்களாம் யூடிவி தரப்பில். இப்போதைக்கு ஹீரோவும், இயக்குனரும் உறுதியாகி இருகிறார்கள்.!