அமீர்கான் படத்தில் சஞ்சய் தத்

இந்தியில் இரண்டு மூன்று முன்னணி ஹீரோக்கள் இணைந்து நடிப்பது சாதாரணம். அதன் காரணமாக எல்லா நடிகர்களும் மற்ற எல்லா நடிகர்களுடனும் இணைந்து ஒரு படத்திலாவது நடித்திருப்பார்கள். ஆச்ச‌ரியமாக அமீர்கான், சஞ்சய் தத் இதுவரை இணைந்து நடித்ததில்லை.

ரா‌ஜ்குமார் ஹிரானி அமீர்கான் நடிக்கும் பி.கே. என்ற படத்தை இயக்குகிறார். இதில் முக்கியமான வேடத்தில் நடிக்க அர்ஷத் வர்ஸி ஒப்பந்தமானார். ஆனால் அவரால் ஹிரானி கேட்ட தேதிகளில் கால்ஷீட் ஒதுக்க முடியவில்லை. இஸ்கியா படத்தின் இரண்டாம் பாகத்துக்கு ஏற்கனவே வர்ஸி கால்ஷீட் தந்திருந்தார்.

வேறு வழியின்றி அர்ஷத் வர்ஸிக்கு பதில் சஞ்சய் தத்தை பி.கே. படத்தில் ஒப்பந்தம் செய்துள்ளார் ஹிரானி. இந்த மாற்றத்துக்குப் பிறகே அனைவருக்கும் அமீர்கானுடன் இதுவரை சஞ்சய் தத் இணைந்து நடித்ததில்லை என்ற விவரம் பிளாஷ் அடித்திருக்கிறது.

இந்தப் படத்தில் அனுஷ்கா சர்மா முக்கியமான வேடத்தில் நடிக்கிறார் (இவர் அருந்ததி அனுஷ்கா அல்ல. அவரது பெயர் அனுஷ்கா ஷெட்டி).