நயன்தாராவின் தெலுங்கு படம் தமிழகத்திலும் ரிலீஸ் ஆகிறது

ஏ.ஆர்.முருகதாசை பாராட்டி பேசினால் பல்லை உடைப்பேன் என்று எச்சரித்த ஆந்திராவின் அலட்டல் நடிகர் பாலகிருஷ்ணா நடித்த ஸ்ரீ ராமராஜ்ஜியம் தமிழில் வெளியாகவிருக்கிறது. நான் அப்படி சொல்லவே இல்லை என்று பிற்பாடு அவர் மறுத்துவிட்டார் என்பதால் வம்புக்காகவே காத்திருக்கும் இந்து மக்கள் கட்சி போன்ற அமைப்புகள் மௌனம் காக்க…

ஆந்திராவில் எத்தனையோ படங்கள் வெளியாகிறது. எத்தனையோ படங்கள் ஹிட்டாகிறது. ஆனால் அத்தனையும் இங்கே வெளியிடப்படுவதில்லை. (நல்ல படமாக இருந்தால் நாங்களே காப்பியடிப்போம்ல…) ஆனால் ராமராஜ்ஜியத்தின் மீது அப்படியென்ன கரிசனம்? ரொம்ப சுலபமாக யூகிக்க கூடிய மேட்டர்தான். இந்த படத்தில் நயன்தாரா நடித்திருக்கிறார். அதுமட்டுமல்ல, இதுதான் என்னுடைய கடைசி படம் என்று அவரே அறிவித்திருப்பதால், ஏராளமான ரசிகர்கள் நயனின் கடைசி பர்ஃபார்மென்சை ரசிக்க காத்திருக்கிறார்கள்.

இன்னும் சில வாரங்களில் தமிழ், தெலுங்கு இரு மொழிகளிலும் வெளியாகும் இப்படத்தை அநேகமாக சென்னையிலேயே கண்டு களிப்பார் நயன்தாரா. ஏனென்றால் கடந்த சில வாரங்களுக்கு முன்பு சென்னைக்கே வந்து செட்டில் ஆகிவிட்டார் அவர்.