ஆங்கில மொழியிலும் ரிலீஸ் ஆகிறது கோச்சடையான்?

சூப்பர் ஸ்டார் ரஜினிகாந்த் நடித்து, அவரது மகள் ஐஸ்வர்யா இயக்கும் கோச்சடையான் படம் ஒரே நேரத்தில் தமிழ், தெலுங்கு, ஹிந்தி மற்றும் ஆங்கிலத்திலும் வெளியாக உள்ளதாக நம்பத் தகுந்த வட்டாரங்கள் தெரிவிக்கின்றன.

இதில் மிகவும் குறிப்பிடத்தக்க விஷயம் என்னவென்றால், ஆங்கில மொழியாக்க கோச்சடையான் படத்தில் ரஜினிகாந்த்தே தனது கதாபாத்திரத்திற்கு டப்பிங் வாய்ஸ் கொடுக்க உள்ளார் என்பதுதான்.

மிக விரைவாக எடுத்து முடிக்க வேண்டும் என்று கோச்சடையான் பட இயக்குநர் ஐஸ்வர்யா, எல்லாவற்றையும் மிகவும் திட்டமிட்டு செய்து வருகிறார்.

இப்படத்தை முடித்துவிட்டு கே.வி. ஆனந்த் இயக்கும் அடுத்த படத்தில் நடிக்க ரஜினிகாந்த் ஆர்வமாக இருப்பதாகவும், அப்படம் அரசியல் பின்னணினை மையக் கருவாகக் கொண்ட படம் என்றும் செய்திகள் கசிந்துள்ளன.